REPUBLIKA E SHQIPERISE
QARKU KORÇË
BASHKIA PUSTEC
ZYRA E KRYETARIT TE BASHKISË
7/3/2022
NJOFTIM PËR SHTYP
Projekti me titull ” Integrimi i Impianteve Fotovoltaike për konsum vetjak sipas Konceptit të Matjes së Rrjetit (Net Metering) në Ndërtesat Publike/Stacione të Pompave dhe Zëvendësimi i Ndricimit të Rrugës/Bashkisë me Efikasitet të Ulët me drita LED” është implementuar në kuadër të Programit INTERREG IPA CBC “Greqi-Shqipëri 2014-2020”.
Projetki NET METERING bashkefinancohet nga Bashkimi Europian dhe nga fondet kombetare te vendeve pjesemarrese.
Bashkia e Pustecit tani është më miqësore me mjedisin, konsumon më pak energji elektrike në hapësirat publike dhe ka më shumë ndriçim efikas falë Programit INTERREG IPA CBC “Greqi-Shqipëri 2014-2020″.
Një tjetër investim konkret ka përfunduar në zbatim të projektit me titull ” Integrimi i Impianteve Fotovoltaike për konsum vetjak sipas Konceptit të Matjes së Rrjetit (Net Metering) në Ndërtesat Publike/Stacione të Pompave dhe Zëvendësimi i Ndricimit të Rrugës/Bashkisë me Efikasitet të Ulët me drita LED”.7 shtylla fotovoltaike janë instaluar në 2 fshatra të Bashkisë së Pustecit duke përmirësuar jo vetëm ndriçimin që ka impakt të drejpërdrejtë në komunitet por edhe infrastrukturën për profilin turistik të saj. 11 shtylla u vendosën në fshatin Pustec përgjatë shëtitores që të çon drejt liqenit dhe 6 shtylla janë vendosur në lagjen e re të fshatit Goricë e Madhe. Përmes këtij investimi bëhet e mundur që energjia elektrike e prodhuar nga fotovoltaikët të mos ketë kosto as në ekonomi dhe as në mjedis.
Është energji e pastër, pa emetime, panelet kanë kohë të gjatë përdorimi janë pa zhurmë dhe nuk ndotin ambientin nisur nga nevojat për mbrojtjen e mjedisit sidomos në një bashki me potenciale dhe resurse të mëdha natyrore mundësia për të prodhuar energji të pastër dhe të qëndrueshme nga burimet e ripërtëritshme të energjisë i shërben së tepërmi bashkisë, komunitetit dhe turistëve që e zgjedhin si destinacion. Duke qenë institucionet ato që hedhin hapin e parë për mbrojtjen e mjedisit dhe klimës rritet edhe ndërgjegjësimi i komunitetit dhe krijohet një model i qëndrueshëm.
THE MAYOR
PALI KOLEFSKI
